Bawat tao ay naging abala noong katatapos lang na eleksiyon. Madami sa kanila ang nanlumo dahil sa sila ay isa sa mga natalo, nawalan ng loob dahil sa hinde ang mga ibinoto nila ang nanalo, ang ilan ay nadismaya dahil sa maruming botohan, at ang isa sa mga ito ay ang makita ang mga tao na nagpapabayad sa konting halaga at pansamantala na kanilang makukuha, at ang masaklap pa dito pati ang mga kabataan na sinasabing pag-asa ng bayan ay isa rin sa mga nangunguna sa pagbili ng boto at pananakot, at kung anu-ano pang mga stratehiya para lang makuha nila ang loob ng mga tao.
Saksi ako sa eleksiyon noong May 14, dahil isa ako sa mga tao na tumtulong sa pagpapanatili ng kaayusan ng eleksiyon, subalit ngayon, kitang-kita ko ang mga bulungan, abutan ng mga papel sa mga taong boboto upang iyon ang kanilang isulat sa kanilang mga balota, mga taong akala mo’y tinutulungan ka, pero ang nais nila na habang kayo’y naglalakad unti-unting pinagdidiinan nila ang mga kasama nila na kandidato na siyang dapat na iboto. Ngunit, kahit na may mga taong ganun ang mga ginagawa, nakatutuwang isipin na ang ilan sa mga ito ay bumoto ng tama, at naayon sa kanilang kagustuhan na sa tingin nila na ang mga tao na ito ang siyang makakatulong sa pang-angat at pag-unlad ng aming barangay. Pero, iilan lang sila sa libu-libong mga botante na nagkaroon ng lakas ng loob na gumawa ng ganong desisyon, ang karamihan ay inuna nila ang kanilang pansariling interes at pansamantalang sagot sa kanilang pangangailangan.
Panu kung natalo sila? Matatanggap kaya nila ang kanilang paglatalo? Makakatulog pa kaya sila ng mahimbing? Makakakain pa kaya sila ng tama sa oras? Palagay ko hinde na, dahil minu-minuto maiisip nila ang pagod sa kanilang pangangampanaya, mga taong pinagkatiwalaan na sila ang iboboto at sa huli sila ay nagamit lang dahil sa sila ay nabayaran na ng ibang tao, at higit sa lahat, may mukha pa ba silang ihaharap sa mga taong kanilang pinangakuan na sila ay mababayaran sa pagod at hirap na kanilang ginawa. Mahirap, masakit, nakakadismaya at sobrang panghihinayang ang kanilang mararamdaman, ngunit, ang taong gumawa ng tama, madaling matatanggap ang kanilang pagkatalo, dahil sa ang alam nila, sila ay nasa tamang landas, gumawa sila ng tama at higit sa lahat nagtiwala sila sa ating Diyos. Marami rin akong nakilalang lumahok sa halalan na hinde umuwing luhaan, bagkus, mas tumaas pa ang kanilang dignidad sa kanilang sarili at ang tingin ng mga bawat tao, dahil sa sila ay gumawa ng tama at naayon sa kagustuhan ng Diyos.
Sana nga sa susunod na taon, ay maging maayos na ang aming barangay, tahimik, payapa, at higit sa lahat hindi maging pugad ng kasamaan. Nawa’y ang lahat ng mga nanalo sa halalan na ito ang magsilbing mga modelo hinde sa kasamaan, kaguluhan, at kung anu-ano pa, maging sa kabataan man o sa mga mas nakakatanda, maging simbulo sana sila ng pagbabago, at pag-unlad ng bawat barangay at sa ikagaganda nito.
Ang Eleksiyon ay isang araw lang, kung may mga taong nasaktan dahil sa kani-kanilang mga opinyon, tayo ay magtulungan, huwag tayong maghilaan pababa, dahil hinde yun susi sa mga bawat problema. Huwag tayong padadala sa mga tukso sa paligid natin, upang tayo ay umasenso at umunlad hinde lang sa buong barangay pati ang ating pagkatao ay lalong lumago. Huwag tayong maging abuso sa kapangyarihan na meron tayo ngayon, dahil sa ang lahat ng ito ay mga panandalian lang, huwag nating gamitin ito sa kasamaan at mga pansariling interes. Naalala ko yung famous phrase sa Spiderman na “ GREAT POWER, COMES GREAT RESPONSIBILITY”, tayo ay responsible sa bawat hakabang na ating gagawin at higit sa lahat, kahit anong plano mo kung hinde natin isinama ang DIYOS lahat ng mga plano niyo ay mababaliwala…Kaya naiisin natin ang pag-angat ng Moralidad at dignidad n gating barangay..
Filed under: Uncategorized
